زموږ پراختیايي پروژې؛ په وزیراباد کې د شنې سیمې جوړول!

د کابل ښار د څلورمې ناحیې په وزیراباد سیمه کې د یوې شنې سیمې (پارک) د جوړولو چارې په چټکۍ سره روانې دي او تر دې دمه ۷۸ سلنه بشپړې شوې دي. دا پرمختیایي پروژه، چې د «شمس مدثر ساختماني او لوجستیکي شرکت» له لوري پلې کېږي، ټولې چارې یې د مسلکي انجنیرانو تر تخنیکي څارنې لاندې او د کاري خوندیتوب اصولو په پوره رعایت سره پرمخ وړل کېږي. د شرکت د مسوولینو په وینا، د دې پارک پاتې چارې به هم په نږدې راتلونکې کې بشپړې او ګټې اخیستنې ته وسپارل شي. د یاد پارک په پرانېستل کېدو سره به د وزیراباد سیمې اوسېدوونکو ته د تفریح، استراحت او ټولنیزو فعالیتونو لپاره یو مناسب، معیاري او خوندي چاپېریال برابر شي.